لائف اسٹائل

توا قیمہ

(2 افراد کے لیے)

اجزا:

بیف قیمہ                         (250گرام/ ایک پاؤ  )

پیاز                                 (1 عدد، باریک کاٹ لیں )

ٹماٹر                               (2 عدد، کاٹ لیں )

قصوری میتھی                  ( آدھا چائے کا چمچہ )

پسی ہوئی  لال مرچ          (۱ چائے کا چمچہ)

ہلدی                              (چوتھائی چائے کا چمچہ)

لہسن ادرک پیسٹ            ( ۱ چائے کا چمچہ )

ادرک کٹی ہوئی                 (۱ چائے کا چمچہ)

ہری مرچ                           (3 سے 4   عدد، باریک کُتر لیں )

زیرہ                                 (۱ چائے کا چمچہ)

گرم مصالحہ                      (آدھا چائے کا چمچہ)

نمک                                (حسبِ ضرورت)

تیل                                 ( 4 کھانے کے چمچے)

 

ترکیب :

سب سے پہلے توے پر تیل ڈال کر درمیانی آنچ پر گرم کر لیں۔ گرم تیل میں لہسن ادرک کا پیسٹ ڈال کر تھوڑا سا چلانے کے بعد قیمہ ڈال دیں ۔ قیمے کو اچھی طرح بھون لیں ۔ بھوننے کے بعد   آنچ کو تیز کر دیں ، اور  جیسے ہی قیمے کا رنگ  تبدیل ہو  اس میں کٹے ہوئے  ٹماٹر ڈال دیں پھر توے کو ڈھک کر ٹماٹر کو درمیانی آنچ پر  پکنے کے لیے چھوڑ دیں ۔ پانچ منٹ کے بعد اس میں سارے مصالحے ڈال دیں گے : نمک،ہلدی،لال مرچ ،قصوری میتھی  ڈال کر تھوڑا چلائیں ، اس  کے بعد زیرہ ،گرم مصالحہ ڈال کر بھونیں۔  آخر میں ہری مرچیں اور پیاز ڈال کر بہ منٹ تک ہلکی آنچ پر  پکنے کے لیے چھوڑ دیں گے۔  جب قیمہ تیار ہوجائے تو ایک ڈش میں نکال لیں۔ ادرک اور ہری  مرچیں چھڑک کر پیش کیجیے۔

 

اقرا اکرم
رنگ، تتلی، خوشبو اور خوب صورت پہناووں کی دلدادہ اقرا انٹر کی طالبہ ہیں۔ ابھی ٹین ایج میں ہیں لیکن معاشرے کو بہت سنجیدہ نگاہ سے دیکھتی ہیں۔ سماجی مسائل پر قلم اٹھانے میں دل چسپی رکھتی ہیں اور مطمئن پاکستانی معاشرے کی خواہاں ہیں۔

اپنی رائے کا اظہار کیجیے